Hunebedcentrum Borger
Museum in Borger over de luu die de hunebedden bouwden, neist het grootste hunebed van Nederland.
Het Hunebedcentrum giet over de hunebedbouwers, de luu van de trechterbekercultuur die hier meer as 5000 jaor geleden woonden. De tentoonstelling laot zien hoe ze woonden, warkten en welke rituelen ze hadden, mit films, vitrines mit trechterbekers, diorama's en interactieve spellen. Ok zie ie hoe en waorum ze de hunebedden bouwden.
Tot de topstukken heuren het naobouwde huus van een familie van hunebedbouwers, de akkers waorop ze hun gewassen verbouwden, de trechterbeker en de slepen bijl.
Het grootste hunebed
Direct neist het Hunebedcentrum ligt hunebed D27, het grootste hunebed van Nederland. As ie eerst de tentoonstelling zien hebt, kiek ie d'r mit andere ogen naor.
Oertijdpark en Geopark
In het Oertijdpark en de Hondsrug UNESCO Geopark Expositie giet het over 150.000 jaor geschiedenis: hoe het landschap ontston en wat de mens d'rmit dee. D'r is ok een keientuin.
Mit de Oerverhalen-app binnen op het hiele terrein 200 verhaolen te bekieken, mit video's, teksten en olde foto's. Ze heuren bie nummerde bordies in de expositie, het Oertijdpark, de keientuin en bie het grote hunebed. De code veur de app krieg ie bie binnenkomst.
Routes
Het Hunebedcentrum hef gratis wandel- en fietsroutes langs sporen uut de prehistorie in de umgeving. Ze staon ok op de website van het Hunebedcentrum, net as de openingstieden en de toegangspriezen.
