Hertenkamp
Dierenweide an de Bosrand in Rolde mit herten, zwanen, konijnen en allerlei pluimvee. Een bezoek is goed te combineren mit een wandeling in het bos d'rnaost.
In de Hertenkamp leven herten, zwanen en konijnen, en pluimvee as kippen, ganzen, eenden, pauwen en kalkoenen. In het veurjaor kommen d'r jonge eenden en ganzen bie, in de zomer worden de herties boren, en kuikens lopen d'r het hiele jaor rond.
De dieren worden verzörgd deur vrijwilligers: deurdeweeks deur de vrijwilligers van De Trans, in het weekend deur luu uut de umgeving. Zij voeren de dieren en holden ok de Hertenkamp zölf bie.
Honden moeten an de lijn. Brood voeren mag, maor mit maote: de dieren kriegen al genog te eten.
Dat de Hertenkamp d'r nog is, is te danken an het dörp. In 2000 wilde de gemeente Aa en Hunze bezuinigen en stelde veur de Hertenkamp op te heffen en de grond te verkopen. Daor kwam veul verzet tegen: oppositiepartijen, dörpsbelangen en ondernemersverenigingen kwamen in actie en d'r werden meer as 1500 handtekeningen verzameld. Het plan werd verworpen, en de gemeenteraad besloot dat de inwoners van Rolde zölf verantwoordelijk worden zollen veur de Hertenkamp. Op 1 september 2003 gong het beheer officieel over naor de Stichting Hertenkamp Rolde.
