De Boerhoornblazer
Beeld van een boer die op de boerhoorn blaast, het signaal waormit het dörp vrogger bie mekaor roepen werd. Het staot veur het naoberschap op het Drentse platteland.
Het gemeentebestuur van Rolde bood het beeld op 10 september 1985 an de Boermarke Rolde an, ter gelegenheid van het 200-jarig bestaon van de Roldermarkt. Het is maakt deur E.H. van Dulmen Krumpelman uut Rolde. De boerhoornblazer staot op een ronde, metselde verhoging, mit een plaquette op de sokkel.
De boerhoorn was in de Drentse dörpen vrogger het middel om iedereen te waarschuwen. Klonk de hoorn, dan wist het dörp dat d'r wat bijzonders an de hand was. De boeren kwamen bie mekaor om saomen een klus te klaren, een besluut te nemen of in actie te kommen bie brand of een andere ramp. Dat gebeurde op vaste plekken in het dörp: onder een eik, op de bleek bie een boerderij of op de brink.
De belangriekste boer werd közen tot hoornboer. Hij blies op de hoorn as startsein veur belangrieke momenten, zoas het begin van de korenoogst.
