Jampie
Beeld van Jaap Hartman van een jonkie op klompen mit een broodtas, midden in Rolde op de plek waor vrogger de school ston.
Jampie staot op het Plein en herinnert an de schooljeugd van vrogger, toen kinder te voet en op klompen naor school gongen. Het beeld is van beton en gries schilderd.
De Drentse dichteres Geesje Hoving onthulde het op 3 maart 1993, twee jaor nadat de school in Rolde in 1991 heur honderdjarig bestaon vierd had. De onthulling werd organiseerd deur Jan Mulder, ok bekend as Jampie Mulder. Geesje Hoving droeg d'r dit gedicht bie veur:
Er gung een jonkie
deur het veld - klompies an
stoettrommeltie op nak
op weg hen school
waor as het zien eerste
woordties leert. Er steet een jonkie
midden in Rol
waor as eerst zien school
hef staon.
Elk die hier veurbij geet
zot zichzelf weer
hen de Rolderschool gaon
