Daornaost staot d'r informatie op de site over historische gebouwen, kunstwarken en natuurgebieden in Rolde. Bie alle kunstwarken in het dörp staon het verhaol d'rachter en de plek waor ze te vinden binnen. Ok over de Jacobuskerk, de drei voormalige gemeentehuzen en de Roldermarkt is d'r uutgebreide informatie.
Alles is te lezen in het Nederlands en het Engels. Later dit jaor kommen daor Frans en Duits bie.
Het logo is een moderne versie van het wapen van Rolde, uut de tied dat Rolde nog een zelfstandige gemeente was.
Rolde.nl is bouwd deur Brainfarts, een eenmanszaak mit meer as twintig jaor ervaring in het uutgeven van websites. "Het was een lonende uitdaging om dizze website van de grond af op te bouwen", zegt oprichter Sjoerd Buurman. "Ik hoop dat Rolde.nl zowel bewoners as bezoekers inspireert om het prachtige dörp Rolde te verkennen en d'rvan te genieten."
