Dit artikel is inmiddels achterhaald: de paosvuren mogen toch deurgaon. Lees hier over de paosvuren in Aa en Hunze.
De Veiligheidsregio Drenthe hef het natuurbrandrisico veur Drenthe opschaald naor de fase ‘extra alert’. Dan gelden strengere eisen veur open vuur. Zo mot een vuur wieder van onder meer natuurgebieden en woningen mit een rieten dak af staon. Gien van de locaties in Aa en Hunze voldaot daoran.
De kommende weken valt d'r naor verwachting gien noemenswaardige regen, dus de droogte holdt an. Daordeur kan een natuurbrand makkelijk ontstaon en zich snel verspreiden. De gemeente ziet daorum gien andere mogelijkheid as de vuren af te lasten. De organisatoren binnen op de hoogte brocht.
Burgemeester Anno Wietze Hiemstra noemt het besluut “ontzettend jammer” veur iedereen die zich al inzet had veur de veurbereidingen. “Helaas gooit het weer roet in het eten. Dit is overmacht, enorm balen, maor uuteraard staot de veiligheid veurop.”
