Poiesz en Plus binnen het eens worden over de overname. De winkel was vroeger een Coop, die het ondernemersechtpaar Barelds jaorenlang runde, en is onlangs nog moderniseerd.
Een groot deel van de inrichting blif, maor de winkel kriegt de vaste onderdelen van Poiesz: een ruime groenteafdeling, een eigen bakkerij en slagerij, een borrelshop, een zelfscanplein en een servicekassa. De overdracht zol an ’t ende van maart wezen, maor d'r moeten nog een paar zaken afrond worden. Daordeur schuift de opening op naor ’t ende van april.
Poiesz vierde onlangs zien honderdjarig bestaon. Algemeen directeur Piet Smit noemt de investeringen in nieje winkels belangriek veur de groei en de toekomst van het familiebedrief.
Rolde telt ongeveer 2.000 huusholdens en twee supermarkten. De andere is de Albert Heijn van ondernemer Chris Marinus, ok een voormalige Plus. Die hef 943 vierkante meter winkelvloer; de Poiesz kriegt d'r 650. In Gieten, vlak in de buurt, zitten een Jumbo en een Lidl.
