“Wie kregen rond elf uur een melding van een brandgerucht,” zee Marcel van Alphen, woordvoerder van de Veiligheidsregio Drenthe, tegen RTV Drenthe. “Toen wie ankwamen, ston het hiele gebouw al in brand. D'r was niks meer te redden. Wie moesten d'rveur kiezen om het gebouw controleerd uut te laoten branden.”
Brandweerposten uut Tweede Exloërmond, Borger, Gasselternijveen, Vries, Annen en Gieten werden oproepen. Het restaurant lag afgelegen midden in een bos, waordeur het blussen extra lastig was: bluswater moest mit tankwagens anvoerd worden. “Wie moesten veurkommen dat de brand oversloeg op het bos,” aldus Van Alphen. “Uuteindelijk hebben wie mit een kraan het gebouw sloopt om de leste vuurhaarden te bereiken. Zonder dizze actie zol het blieven smeulen.” De leste eenheden keerden pas om 04.00 uur terug naor de kazerne.
Een verslaggever van RTV Drenthe sprak dinsdagmorgen kört mit de uutbater. Op de vraog “Bin ie van 't Nije Hemelriek?” antwoordde hij: “Dat was ik, want d'r is niks meer van over.”
Zwemplas dicht
Volgens de boswachter giet zwemplas 't Nije Hemelriek veurlopig dicht. D'r is onder meer roet op het strand terechtkommen dat opruumd worden moet, en het water in de plas is vervuild en kleurt zwart.
De oorzaak van de brand is nog niet bekend. Staatsbosbeheer is begonnen mit opruumen: een kleine groep medewarkers maakt het strand schoon, ruumt de verschroeide resten van het restaurant op en haalt isolatiemateriaal uut de bomen.
