De route is d'r in een versie van 27 en ien van 38 kilometer. Beide lopen over het netwerk van fietsknooppunten, zodat fietsers bie elk knooppunt onderweg instappen kunnen. Ze kommen onder meer langs de twee hunebedden van Rolde en dat van Eext; volgens Het Drentse Landschap giet de lange route langs alle elf hunebedden in de gemeente.
Fietsers rieden deur het stroomdal van de Drentsche Aa en het UNESCO Global Geopark De Hondsrug. As ie onderweg stoppen wilt, kun ie terecht bie horeca, rustpunten en fietshubs, waor ie e-bikes opladen kunt en reparatiezuilen staon.
Veur kinder binnen d'r opdrachten, die ie mit een QR-code opent. De gemeente vraogt fietsers wel om de hunebedden mit respect te behandelen en d'r niet op te klimmen, omdat het grafmonumenten binnen.
De route en de opdrachten staon online bie Het Drentse Landschap. As ie liever een folder hebt, kun ie die ophalen in het gemeentehuus in Gieten.