Het geld giet van 2026 tot en mit 2029 naor projecten uut het plan ‘Vitaal Verbonden’, dat de drei gemeenten en de provincie samen schreven hebben. De eerste projecten beginnen in januari 2026, en inwoners, maatschappelijke organisaties en ondernemers worden d'r bie betrokken.
Onder het eerste thema, ‘meer welzijn en minder zorg’, vallen projecten die luu langer gezond en actief holden, zodat ze minder zorg neudig hebben. Mit het tweede, ‘dörpscentra veur iedereen’, moeten de dörpen aantrekkelijk en toegankelijk worden, mit plekken waor inwoners mekaor ontmoeten. Het derde thema, ‘duurzame economische ontwikkeling’, giet over kansen veur ondernemers en meer wark, waorbie ok naor duurzaamheid keken wordt.
“Noord-Drenthe is een fijne plek om te wonen, maor wie merken steeds meer de gevolgen van de vergrijzing. Voorzieningen verdwienen en het wordt lastiger om een sterke economie te beholden. Dizze investering helpt ons om dat tij te keren,” zegt Jos Darwinkel, wethouder Economie van Noordenveld en coördinerend bestuurder van de regiodeal.